Элпуç ялĕнче пурăнакан мăшăр — Столяровсем — Анатолий Ивановичпа Зоя Ивановна пĕр çемьере 65 çул алла-аллăн тытăнса утаççĕ.
Вĕсем иккĕшĕ те хăйсен пурнăçне тăван çĕрпе çыхăнтарнă — колхозра ĕçлесе тивĕçлĕ канăва тухнă.
Ĕмĕр ĕмĕрлесси — уй урлă каçасси мар. Апла пулин те вĕсем пуçĕсене усман, ялан пĕрле, пĕр шухăшлă пулса умри йывăрлăхсене çĕнтернĕ. Хăйсен 3 ачине тивĕçлĕ воспитани панă. Хальхи вăхăтра вĕсем ачисен ỹсĕм-çитĕнĕвĕсемпе анчах мар, 6 мăнукне тата çакăн чухлех кĕçĕн мăнукне курса савăнаççĕ.
