Тăпра йỹçеклĕхне доломит е акшар чулĕн (известь) çăнăхĕпе пĕчĕклетмелле-и?
Чăваш Республикин ял хуçалăх центрĕ пĕлтернĕ тăрăх, унпа е кунпа усă курас ыйтăва тăпра йỹçеклĕхне пĕтерме суйласа илнĕ лаптăкра хăш культурăна çитĕнтерме палăртнине тĕпе хурса татса памалла. Çĕр улми, баклажан, томат, табак, пылак пăрăç ỹстерме планланă тăк тăпрана доломит çăнăхĕ хывмалла. Унра культурăсене çитĕнтерме кирлĕ магни пур. Акшар чулĕн çăнăхĕ вара тăпра тытăмне ытларах улăштарать. Лаптăкра хурт-кăпшанкă, симĕс мăк, чăрăш тăрри, эрĕм хупăрлать тĕк тăпрана унпа пулăхлатсан лайăхрах. Иккĕшĕ те йỹçеклĕхе, хурт-кăпшанкă йышне пĕчĕклетеççĕ.
