Елчĕк муниципалитет округĕн ял хуçалăх тата экологи пайĕ панă информацирен çакă курăнать: октябрĕн 14-мĕшĕ тĕлне ял хуçалăх предприятийĕсемпе хресчен (фермер) хуçăлăхĕсем пĕрчĕллĕ тата пăрçа йышши культурăсене 22583,6 гектар çинче çулнă (99,8 процент), çулнин 97 процентне çапса тĕшĕленĕ. 834367 центнер тĕш тырă пухса кĕртнĕ. Пĕр гектартан тухакан вăтам тухăç — 38 центнер.
Кĕрхи культурăсене акас ĕç 74 процентпа танлашнă. Çĕр улми кăларса пуçтарса кĕртес ĕçе вĕçленĕ. Кукурузăна вырас ĕç 79 процентпа танлашать.
