Нумаях пулмасть райадминистрацин ларусен залĕнче район администрацийĕн пуçлăхĕн пĕрремĕш çумĕ – вĕренÿпе çамрăксен политикин пайĕн начальникĕ Леонард Левый ертсе пынипе районти национальноçсен ĕçĕсен канашĕн ларăвĕ иртнĕ.
Унта экстремизмпа терроризма хирĕçле профилактикăлла мероприятисем йĕркелес, районти тĕрлĕ наци çамрăкĕсен туслă çыхăнăвĕпе пĕрлĕхне малашне те çирĕплетес ыйтусене пăхса тухнă. Ларура районти полици пайĕн пуçлăхĕн çумĕ Эдуард Никонов, райадминистрацин вĕренÿпе çамрăксен политикин пайĕн ертсе пыракан специалист-эксперчĕ Марина Вастулова тухса калаçнă.
