РФ Ял хуçалăх министерстви сĕт отрасльне 2025 çулччен аталантармалли программа хатĕрлет.
Сĕт туса илессине 1,3 миллион тонна ÿстересшĕн. Экспертсен шухăшĕпе, патшалăх ял хуçалăхне хальхи пекех пулăшса тăрсан тĕллеве пурнăçлама май килет. Приоритета ăнсăртран палăртман — отраслĕн социаллă пурнăçпа экономикăри пĕлтерĕшĕ пысăк. Сĕт тĕрлĕ çимĕç хатĕрлекен промышленноç валли паха чĕр тавар шутланать.
