Çĕршыв хÿтĕлевçин ретне тăни — тивĕç те, чыс та. Енчен те вăл çар парадне те хутшăнать пулсан — пысăк хисеп.
Тÿскел ялĕнче пурăнакан Иван Михайловичпа Людмила Геннадиевна Пайминсем çакăншăн мăнаçланма пултараççех. Вĕсен ывăлĕ — Станислав — ыран Мускаври Хĕрлĕ плошадьре иртекен Çĕнтерÿ парадне хутшăнать. Рядовой çакна службăри çитĕнÿсемшĕн, хастарлăхпа палăрнăшăн тивĕçнĕ.
С.Паймин çар ретне Чăваш патшалăх ял хуçалăх академийĕнче вĕреннĕ тапхăрта хăй ирĕкĕпе тăнă. Июль уйăхĕнче тăван яла таврăнать.
