«Яманчурино» ОООра механизаторта тăрăшакан Александр Павлов пурнăçне тăван ялпа çыхăнтарнăшăн пĕрре те ÿкĕнмест.
Ял хуçалăх предприятийĕн анлă уй-хирĕсенче çитĕнекен тыр-пул анисене курса савăнать вăл. Çывăхри вăрман сĕткенĕ те вăй парса çитĕнтернĕ пулинех ăна. Çавăнпа уншăн тăван ялтан хакли урăх çук пекех туйăнать.
«Яманчурино» ООО дирекцийĕ мал ĕмĕтлĕ çамрăка предприяти шучĕпе механизатор пулма вĕрентсе кăларнă. Александр халĕ тинех ку ĕçре çĕнĕ çын та мар — виççĕмĕш çул «хурçă ут» çÿретекенскере тăтăшах яваплă ĕçсене пурнăçлама шанаççĕ. Вăл вара шанăçа тÿрре кăларма пултарнипе палăрса тăрать.
