Тутарсем августăн 21-мĕшĕнче анлăн паллă тăвакан хăйсен тĕнĕпе çыхăннă Ураза-байрам уявне хатĕрленме тытăннă ĕнтĕ.
Уявччен ĕлкĕрес тесе Лаш Таяпа ял тăрăхне кĕрекен Пикшик ялĕнчи мечетре иртнĕ уйăхран тытăнсах пысăк юсав ĕçĕсене пурнăçланă. Йывăç пураран хăпартнă мечет çурчĕ малтан та пит мăнаçлăн, аякранах илемлĕн курăнса ларнă пулсан, халĕ ăна тата лайăх сăн кĕртнĕ – çĕнĕ материалпа усă курса йĕри-тавра хупланă.
Сăн ÿкерчĕкре: пархатарлă ĕçре вăй хунă вырăнти строительсен ушкăнĕ.
С.АНАТОЛЬЕВА.
