Аслă Елчĕкри Г.Н.Волков ячĕллĕ вăтам шкулта музейра упранакан фронтран янă салтак çырăвĕсемпе ачасене паллаштарассине ĕçе кĕртнĕ.
Çак ĕçе вулавăш ертÿçи Любовь Адюкова йĕркелесе пырать. Виç кĕтеслĕ çырусенче фронтри тата тылри халăхăн пурнăçĕ, савăнăç-хурланăвĕ, фашистсене Тăван çĕршывран частарах хăваласа ярса Аслă Çĕнтерĕве çывхартас ăнтăлу… Вут-çулăм витĕр тухнă, тăварлă куççульпе йĕпенсе паянхи кун упраннă çырусем пирĕншĕн пахаран та паха тупра.
