Майăн 16-мĕшĕнче Елчĕкри тата ял тăрăхĕсенчи почта çыхăну уйрăмĕсенче халăх йышлă пулчĕ.
Вулакансем районта тата республикăра тухса тăракан тĕрлĕ издание 2019 çулхи иккĕмĕш çур çулшăн йÿнетнĕ хакпа çырăнчĕç.
– «Елчĕк ен» хаçата çак кун 20 экземпляр çырăнма кăмăл турĕç, – хыпарларĕ Галина Баранова специалист.
Вулакана аса илтеретпĕр: майăн 26-мĕшĕччен Пĕтĕм Раççейри çырăнтару вунăкунлăхĕ пырать. Вулакансем çак тапхăрта «Елчĕк ен» хаçата йÿнетнĕ хакпа /426 тенкĕ те 60 пус/ çырăнса юлма пултараççĕ. Район хаçатне альтернативлă майпа 240 тенкĕпе çырăнма та май пур.
Сăн ÿкерчĕкре: Клиент кунĕнче Наталья Чернова почтальонка Елена Семеновăпа /Елчĕк/ Надежда Скворцовăна /Патреккел/ район хаçатне çырăнтарать.
