ШĔМĕн шалти ĕçсен пайĕн çул çитменнисемпе ĕçлекен подразделенийĕн инспекторĕсем пĕлтернĕ тăрăх, паянхи кун районта 13 ăнăçсăр çемье ?вĕсенче 24 çул çитмен ача çитĕнет/ тата 13 «йывăр» ача учетра тăрать.
Июнĕн 26-мĕшĕнчен пуçласа августăн 6-мĕшĕччен районта «Подросток. Лето. Алкоголь. Табак.» операци пырать. Çавна май йĕрке хуралĕн ĕçченĕсем рейдсем йĕркелеççĕ. Ачисене тивĕçлĕ воспитани парассинчен пăрăнакан çемьесенче пулнă, вĕсенче çитĕнекен ачасемпе тата «йывăр» ачасемпе уйрăммăн курнăçнă май профилактика калаçăвĕсем ирттереççĕ. Рейдсен вăхăтĕнче ачисене тивĕçлĕ пăхман 2 çемьене тупса палăртса административлă протоколсем çырнă.
Лавккасенче е ытти суту-илÿ точкисенче пулнă май полици ĕçченĕсем çул çитменнисене алкоголь продукцийĕ, табак сутнине тĕрĕслеççĕ.
