Аслă Елчĕкри Г.Н.Волков ячĕллĕ вăтам шкулти библиотекăра кашни тăхтаврах ача-пăча хĕвĕшет.
Пĕрисем хаçат-журналпа паллашаççĕ, теприсем шашка-шахмат вăййисене выляса киленеççĕ. Вĕренекенсем «Елчĕк ен», «Çамрăксен хаçачĕ», «Тантăш», «Самант», «Тетте» хаçат-журналпа кăсăкланса паллашнине кура вĕсене çитес çулхи пĕрремĕш çур çулта илсе тăма та çырăннă.
Ачасем шашка-шахмат вăййисене кăмăллани уйрăмах пысăк пĕлтерĕшлĕ. Çак вăйăсем ачасен ăс-тăнне, шухăшлавне аталанма пулăшаççĕ. Çавăнпа та пушă вăхăта усăллă ирттерме тăрăшаççĕ те вулавăш тусĕсем.
Л.АДЮКОВА.
