Чăваш автономи облаçне туса хунăранпа 2020 çулта пĕр ĕмĕр çитет.
Çак уява халалласа Чăваш кĕнеке издательстви «Краткая история Чувашии и чувашского народа» кĕнеке кун çути курнă. Ăна Чăваш патшалăх гуманитари ăслăлăхĕсен институтĕнче тăрăшакансем хатĕрленĕ. Вĕсем чăваш халăхĕн историйĕ пирки çырнă. Çак темăпа пичетленнĕ кĕнеке пайтах, анчах шăпах учительсем, шкул ачисем, студентсем валли ятарласа кăларни сахал. Кĕнекере чăвашсен историйĕ тавра тавлашу çуратакан ыйтусем çинче те чарăнса тăнă.