Четверг, 28 марта, 2024   |    Елчĕк район хаçачĕ
Главная > Публикации > 100-мĕш троллейбус çула тухнă

100-мĕш троллейбус çула тухнă

Шупашкарти Хĕрлĕ лапамран Çĕнĕ Шупашкарти «Библиотека» чарăну патне çитиччен троллейбус çÿреме пуçланă.

100-мĕш троллейбус пассажирĕсем йышĕнче Чăваш Республикин Пуçлăхĕ Михаил Игнатьев, РФ Патшалăх Думин депутачĕ Леонид Черкесов тата официаллă ытти çынсем те пулнă.

Михаил Игнатьев: «Кайрăмăр!» – тесе каланă хыççăн троллейбус инçе çула тухнă. 88 вырăнлă салон тăп-тулли. Çул çÿрев хакĕ маршруткăсенчи пекех. Укçа тÿлес тĕк – 26 тенкĕ, карточкăпа – 25.

Çĕнĕ троллейбус автономлă майпа çÿреме пултарнисĕр пуçне салонра ăшă. Çуллахи шăрăхра вара кондиционер хута кайĕ. Салонра видеокамерăсем те пур.

Сăмах май каласан, 100-мĕш номер – ăнсăртран мар. Кăçал Чăваш автономине туса хунăранпа 100 çул çитнĕрен маршрута юбилей ячĕпе çакăн пек номер панă.

Добавить комментарий

Ваш адрес email не будет опубликован.

*

code