Иртнĕ çулсенче Елчĕкре уçăлнă çĕвĕ цехĕнче – «ШПП-Пчелка» уйрăм çыннăн предприятийĕнче медицина учрежденийĕсенче ĕçлекенсем валли хÿтлĕх тумтирĕсем çĕлеççĕ.
Хальхи вăхăтра вĕсем пурнăçлакан ĕç уйрăмах пĕлтерĕшлĕ. Кĕтмен çĕртен килсе тухнă коронавирус чирĕ пуçланнăранпа 25 çынна пĕрлештерсе тăракан коллектив хăй умне тата пысăкрах яваплăх илнĕ. Вĕсем пĕр ĕç сменинче медиксем валли 2 пине яхăн ĕç комбинезонĕ çĕлеме ĕлкĕреççĕ. Раççейĕн тĕрлĕ регионĕсенчен килекен саккассем вара лăк тулли.
