Депутатсем тĕрлĕ вырăна çитсе халăх пурнăçĕпе, республикăпа районсен аталанăвĕпе интересленни ырă пулăм.
Иртнĕ эрнере пирĕн районта Раççей Федерацийĕн Патшалăх Думин депутачĕ Игорь Моляков пулнă. Чи малтанах вăл район администрацийĕн пуçлăхĕпе Николай Миллинпа тĕл пулса районăн социаллă пурнăçĕпе тата экономика аталанăвĕпе çыхăннă ыйтусене сÿтсе явнă. Ун хыççăн депутат Елчĕкри тĕп больницăра, НПО «Промсервис» АОра, Леонид Григорьев уйрăм пайтаçăн предприятийĕнче ĕçлекенсемпе тĕл пулнă.
