Кăçал Республика кунĕ Çĕмĕрле районĕнче те иртнине пĕлтернĕччĕ эпир.
Çавна май район администрацийĕн пуçлăхĕ Лев Рафинов ертсе пынипе уява йĕркелес тата ирттерес тĕллевпе оргкомитет канашлăвĕ иртнĕ. Унта Тăванкассинчи культура çурчĕ çумĕнчи, Карл Маркс ячĕллĕ урамри Çĕнтерÿ скверĕсене тирпей-илем кĕртесси, Аттелĕхĕн Аслă вăрçин паттăрĕсене асăнса палăк вырнаçтарасси, Турханти Октябрь урамĕнчи спорткомплекс тата Çĕмĕрле ялĕнче ача-пăча площадки çĕклесси çинчен чарăнса тăнă.
Канашлура уяв мероприятийĕсем пирки те хĕрÿ калаçу пынă.
