ЧР экономика аталанăвĕн министрĕн çумĕ Надежда Столярова çырав вĕçленнĕ хыççăн пĕлтернĕ информацире республикăра пурăнакансем çырава патшалăх пулăшăвĕсен порталĕ урлă электрон мелпе хутшăнас енĕпе хастар пулнине палăртса каланă.
Çак кăтартупа республика Атăлçи округĕнче – 2-мĕш, Раççейре – 11-мĕш вырăнсене йышăннă. Шупашкарта пурăнакансен 34 проценчĕ хăйсен кăтартăвĕсене портал урлă пĕлтернĕ. Çавăн пекех Çĕнĕ Шупашкар хулин тата Елчĕк районĕн кăтартăвĕсем те ку енĕпе лайăххи шутланаççĕ.
Чăвашстат ертÿçи Эльвира Максимова пĕлтернĕ тăрăх, çыруçăсем Чăваш Енри 660 пин ытла хваттерте пулнă, çав шутран 20 пин ытла çурт пушă пулнине, вĕсенче никам та пурăнманнине палăртнă.
