Пятница, 29 марта, 2024   |    Елчĕк район хаçачĕ
Главная > Публикации > Мускав больницинче йышăнма пулнă

Мускав больницинче йышăнма пулнă

Республикăри кардиологи диспансерĕнче Мускаври А.Н.Бакулев ячĕллĕ медицина центрĕн специалисчĕсем ĕçленĕ. Вĕсем чĕре чирĕпе нушаланакан пациентсене йышăннă.

Пĕр кунра Мускав хирургĕсем патне 127 çын пынă. Вĕсенчен 65-шне федераци центрне операци тума тата тĕрĕсленме янă, 38-шне вырăнти больницăра сипленме хушнă, 15-шне тепĕр хут тĕрĕсленме сĕннĕ. Кардиодиспансерăн консультаци поликлиникин заведующийĕ Ольга Хрипунова палăртнă тăрăх, федераци центрĕн тухтăрĕсем пирĕн республикăна çулталăкра икĕ хутчен килеççĕ, вĕсен сĕнỹ-канашĕ пит пĕлтерĕшлĕ. «Федераци центрĕнче операци туни, сипленни пациентăн пурнăçне çăлма, кун-çулне тăсма май парать», -тенĕ вăл.

Сăмах май, «Чĕре-сыпă чирĕсемпе кĕрешесси» проектпа килĕшỹллĕн çĕршыври чи пысăк медучрежденисен тухтăрĕсем телемедицина консультацийĕсем ирттересси, онлайн мелпе çыхăнса пациентсене сĕнỹ-канаш парасси йăлана кĕнĕ.

Добавить комментарий

Ваш адрес email не будет опубликован.

*

code