Чăваш Ен йышăннă 2035 çулчченхи аталану стратегийĕнче пурнăçламалли проект чылай. Вĕсенчен 131-шне пурнăçа кĕртме май килнĕ. Инвестицисен калăпăшĕ — 9,3 миллиард тенкĕ. 901 ĕç вырăнĕ йĕркелеме май килнĕ.
Инвестици портфелĕнче пурĕ 450 ытла проект. Вĕсем экономикăн мĕн пур тытăмне пырса тивеççĕ. Сăмах май, пĕлтĕр Чăваш Республикин инвестици аталанăвĕн агентствине туса хунă. Хальхи вăхăтра 43 проектпа (пурĕ 28,4 миллиард тенкĕлĕх) ĕçлеççĕ. Çитес тапхăрта 24-шне пурнăçа кĕртме килĕшỹ тунă.
