Çанталăк шăрăх тăнине кура республикăра вут-çулăм тухас хăрушлăх пысăк. Çавăнпа та пушар хуралĕн службисем тилмĕрсех асăрхаттараççĕ: пурин те хăрушсăрлăх требованийĕсене çирĕп пăхăнмалла.
Хĕвелĕ пĕр шелсĕр хĕртет, тавралла пĕтĕмпех типĕ, çилĕ те тепĕр чух аван хăвăртлăхпа вĕрет… — ăçта та пулин хĕлхем хыпса илчĕ, асăрхавсăр сарăлчĕ тĕк, ун çулне пỹлме питĕ хĕн.
Çак ансат, анчах питĕ кирлĕ шухăшсене шута илме ыйтасшăн:
- Пушар хăрушсăрлăхĕн йĕркине яланах уямалла — хăвăр кил-çурта тата сывлăхпа пурнăçа çулăмран хỹтĕлемелле.
- Пахча-дачăсенче, вăрмансем тата йывăç-курăк çывăхĕнче нихăçан та çỹп-çап ан çунтарăр.
- Вăрмансем çумĕнче, юханшыв хĕрринче, çулсем айккинче тата хыт хура ашкăракан лаптăксенче кăвайт ан чĕртĕр.
- Сỹнмен шăрпăка е сигарета çĕр çине пăрахса хăварассинчен, автомашина чỹречинчен ывăтассинчен сыхланăр.
- Хăвăр каннă вырăнта çỹп-çап, кĕленчесем, бензинпа йĕпетнĕ е çуллă татăксем ан хăварăр.
Енчен те çывăхра тĕтĕм шăршине туйсан, инкеке асăрхаттарма тăрăшмалла:
- Ăçта тата мĕн çуннине пĕлĕр.
- Вут-çулăм сарăлнă вырăн пысăках мар тăк, ăна шывпа сапса сỹнтерĕр е тăпрапа хуплăр.
- Çулăма йывăçсем çине куçма памалла мар.
- Хăвăр тĕллĕн вут-çулăма чарма май килменнине туйсан мобильлĕ телефонпа «112» е «101» номерсемпе шăнкăравласа пулăшу чĕнмелле, хăвăртрах хăрушсăр вырăна тухмалла.
