Чăваш Енпе юнашар вырнаçнă Ульяновск облаçĕнче кăçалхи июнĕн 3-мĕшĕнче килти хуçалăхри тата хир сыснисем Африка чумипе чирленине тупса палăртнă.
Çавна май хальхи вăхăтра Ульяновск облаçĕнче чир сарăлассинчен упранса мероприятисен комплексне йĕркелеççĕ.
Вирус сарăлас хăрушлăх пулнине шута илсе йĕркене çирĕп пăхăнма, профилактика мероприятийĕсене пурнăçлама ыйтаççĕ Раççей ял хуçалăх надзорĕн Чăваш Енри тата Чĕмпĕр облаçĕнчи управленийĕн ĕçченĕсем.
Сыснасем чирлесен çакăн пирки тỹрех ветеринари службине пĕлтермеллине те асрах тытмалла.
