Елчĕкри тĕп больницăра çулсеренех пулас медиксем вĕреннине ĕçре çирĕплетеççĕ.
Кунта Шупашкарти медицина колледжĕн 12 студенчĕ хăйсен вĕренĕвне практикăра тĕрĕсленĕ ĕнтĕ, зачет та илнĕ уншăн.
Çак кунсенче вара сыватмăша пулас тухтăрсен ушкăнĕ килсе çитнĕ. 16 практикант тĕп тухтăрпа, тĕп медицина сестрипе тата пулас наставниксемпе иртнĕ пĕрремĕш тĕл пулура больница историйĕпе, унăн пурлăхпа техника никĕсĕпе паллашнă. Пулас сывлăх хуралçисем пациентсене поликлиникăра, хирурги, терапи тата ытти уйрăмсенче йышăнма пуçланă та ĕнтĕ.
