Çу уйăхĕн 23-мĕшĕнче Шупашкарта Раççей Предпринимательлĕх кунĕ ячĕпе иртнĕ уявра тĕрлĕ конкурсра палăрнисене чысланă.
Пирĕн округ агропромышленность комплексĕн тата вырăнти тавар туса кăларакансен апат-çимĕç продукцине туса илессин производствине ỹстернĕшĕн пĕлтĕрхи кăтартусемпе 3-мĕш вырăн йышăннă. «Чăваш Ен суту-илĕвĕ» конкурсăн «Апат-çимĕç таварĕсем сутакан чи лайăх лавкка» номинацире «ЮбилейКА» суту-илỹ çурчĕ (Ольга Разумова уйрăм пайтаçă) 2-мĕш, «Чи лайăх ярмăрккă» номинацире универсаллă «Акатуй» ярмăрккă 3-мĕш вырăнсене тивĕçнĕ.
