«Россельхозцентрăн» республикăри филиалĕ пĕлтернĕ тăрăх, пĕлтĕр хуçалăхсенче кĕрхи культурăсене 76,4 пин гектар акса хăварнă.
40 пин гектарăн пахалăхĕ лайăх, 36,4 пин га çырлахтарать. Январь уйăхĕн вĕçĕ тĕлне уйри юр хулăнăшĕ вăтамран 50 сантиметр таран, ун айĕнчи шăннă тăпра тарăнăшĕ 10-20 см пулнă. Юр типĕ, самай пусăрăнчăк. Сивĕ çанталăк тырă тата нумай çул çитĕнекен культурăсен тымарне пысăк витĕм кỹмен. Кĕркунне е хĕлле пĕтнĕ калча лаптăкĕсене тупса палăртман.
