Историпе кăсăкланатăн пулсан, черетлĕ «155 лет на страже здоровья» кĕнекепе паллашма пултаратăн.
Унăн хаклавĕ округри тĕп вулавăшра иртнĕ. «СВ-Пресс» издательсен ушкăнĕ кăларнă ăс-хакăл çимĕçĕпе унăн хатĕрлевçисем — Алина Васильевăпа Антонина Александрова — паллаштарнă. Полиграфи тĕлĕшĕнчен паха кĕнекере сыватмăшăн историпе хальхи ĕç-хĕлне туллин çутатнă, сăн ỹкерчĕксемпе çыхăнтарнă. Вĕсенчен ĕлĕкхисем уйрăмах пĕлтерĕшлĕ.
Презентацие хутшăннисем издание пысăк хак панă. Вăл малашне округри учрежденисенче — библиотекăра, редакцире, архивра, музейра та упранĕ.
