Пĕр-пĕр вырăна взрыв хатĕрĕ хуни пирки пĕлтерекен ултавлă шăнкăравсем йышлăланни пирки маларах çырнăччĕ хаçатра.
Çакăн евĕр хыпарсем республикăра татах та пулнă. Çул çитмен ача йĕрке хуралĕн ĕçченĕсемпе «шỹтлеме» шут тытнă — теракт пирки суя хыпар сарнă. Ун тĕлĕшĕпе уголовлă ĕç пуçарнă.
Уголовлă кодексăн 207 статйипе хаклакан çак преступленишĕн тивекен айăплав çирĕп: штраф виçи 700 пин тенкĕрен пуçласа 1 миллион тенкĕ таран, е 6 çултан пуçласа 10 çул таран ирĕк прависĕр хăварма пултараççĕ.
Ашшĕ-амăшне тата çитĕнекен ăрăва асăрхаттарсах калас килет: пурнăçра йĕркене пăхăнса тỹрĕ те тĕрĕс çулпа утар, киревсĕрлĕхпе çыхланса ырă малашлăха татса хурар мар.
