Лаш Таяпасем футбол вăййине питĕ юратаççĕ. Вĕсем округри, ун тулашĕнчи турнирсенче тăтăшах палăрнисĕр пуçне, вырăнта та асăннă спорт тĕсне анлă çул панă.
Иртнĕ эрнере Пĕрлĕх кубокĕшĕн мини-футбол турнирĕнче тăватă команда кĕрешнĕ. Малти икĕ вырăна кил хуçисем çĕнсе илнĕ, 3-мĕш позицире — Аслă Елчĕксем. Тутарстанри Пăва районĕнчи Элшел ялĕн спортсменĕсен 4-мĕш вырăнпа çырлахнă.
Халăх вăййине юратакансене округ пуçлăхĕ Леонард Левый, Чăваш Республикин Патшалăх Канашĕн депутачĕ Юрий Попов саламланă, командăсем тата уйрăм вăйăçăсем кубоксемпе укçан призсене тивĕçнĕ.
