ыр кăмăллăх марафонĕ республикăра вĕçленнĕ. Кăçалхи 23-мĕш марафон вăхăтĕнче 6,5 миллион ытла тенкĕ пухăннă.
«Раççей ача-пăча фончĕ» общество организацийĕн Чăваш регион уйрăмĕн ертÿçи Елена Ярославцева пĕлтернĕ тăрăх, республикăри кашни организаципе предприяти, районсем хастар хутшăннă.
Республикăри муниципалитетсенче пухнă укçа-тенкĕне çирĕпленнĕ йăла-йĕркепе районсемпе хуласене каялла тавăрса парĕç. «Унпа кама пулăшассине вырăнтисем хăйсем палăртĕç», – тенĕ Е.Ярославцева.
Аса илтеретпĕр, Елчĕксем кăçал ыр кăмăллăх ĕçĕнче юлашки çулсенчен пысăк активлăх кăтартнă – марафон пухмачне 271524,5 тенкĕ хывнă.
