Чăваш Енре çулталăкăн юлашки кунĕ – канмалли кун. Çапла йышăннă ЧР Пуçлăхĕ Олег Николаев.
Декабрĕн 31-мĕшĕнче патшалăх тытăмĕнче, правительствăра тăрăшакансем канĕç. Ытти организаци ертÿçисене те ĕçченсене кантарма сĕннĕ. Анчах çакăншăн декабрĕн 26-мĕшĕнче ĕçлеме тивĕ.
Палăртса хăвармалла: Олег Николаев халăх шухăшне пĕлес тесе социаллă сетьри страницинче сасăлав ирттернĕ. Чылайăшĕ çулталăкăн юлашки кунĕнче канассишĕн сасăланă.
