Апрель уйăхĕнчен пуçласа /кашни çулхи пекех/ социаллă пенсисене тата федераци çăмăллăхĕсемпе усă куракан хăш-пĕр категорири çынсен пенсине индексацилеççĕ.
Çапла ватлăха пула паракан социаллă пенси тата çын инвалид пулнăран паракан социаллă пенси /стаж е пенси балĕ çитменнине пула страхлав пенсине илейменнисен/, çемьене тăрантаракан çухатнипе паракан пенси ÿсет.
Индексаци федераци çăмăллăхĕсемпе усă куракан çак категорири çынсене пырса тивет: Тăван çĕршывăн Аслă вăрçине хутшăннă ветерансем, Ленинград блокадине тÿссе ирттернисем, «чернобылецсем», çар суранне пула инвалид пулса юлнă çар çыннисем… Пенсисем 3,4 процент ÿсеççĕ.
