Çурла уйăхĕн 1-мĕшĕнче микроçырав пуçланчĕ. Вăл çурла уйăхĕн 31-мĕшĕччен иртет.
Ăна агропромышленность комплексĕнчи улшăнусене шута илсе ял хуçалăхне ăнăçлă аталанма пулăшас тĕллевпе ирттереççĕ. Ял хуçалăх организацийĕсемпе хресчен /фермер/ хуçалăхĕсем çыравăн электрон хучĕсене Росстатăн Web-сбор тытăмĕпе усă курса хăйсем тĕллĕн тултарма пултараççĕ. Çыруçăсем уйрăм хушма хуçалăх хуçисенчен те /Шăмалакри сăн ÿкерчĕкре/ ыйтса пĕлеççĕ. Çырава ирттерме ятарласа çынсене вĕрентсе хатĕрленĕ.
