Кăçалхи Çемье, юрату тата шанчăклăх кунĕнче Чăваш Ен Пуçлăхĕ Олег Николаев «Республикăри нумай ачаллă çемьесен пурнăçне çăмăллатмалли çинчен» калакан хушăва çирĕплетнĕ.
Документри çĕнĕлĕхсем шăпах йышлă ачаллă çемьесене пырса тивеççĕ. Сакăр е ытларах ача çитĕнтерекен çемьесене кил-çуртпа тивĕçтерĕç. Кăçалах 9 çемье çĕнĕ çурта пурăнма куçĕ. Çавăн пекех нумай ачаллă сахал тупăшлă çемьесене автомобиль налукне тÿлессинчен хăтараççĕ, анчах та машина хăвачĕ 150 лаша вăйĕнчен ытла пулмалла мар. 2022 çултан виççĕмĕш е ытларах çуралнă ачашăн паракан амăшĕн капиталне 450 ытла çемье, енчен те пурăнмалли условисене лайăхлатмалла мар пулсан, автомашина туяннă çĕре яма пултарĕ.
