Сĕт мĕн хак?

Сентябрĕн 3-мĕшĕ тĕлне республикăра усламçăсем хушма хуçалăхсенчен 1 л сĕте вăтарман 19,6 тенкĕпе /иртнĕ çулхи çак вăхăтра 16,6 тенкĕпе/ йышăннă. Юлашки вăхăтра сĕт хакĕ вăтамран 70 пус ÿснĕ. Чĕр тавар хакне Комсомольскинче 50 пус хăпартнă пулсан, Красноармейски, Сĕнтĕрвăрри, Етĕрне, Çĕмĕрле, Вăрмар, Элĕк, Канаш, Тăвай районĕсенче – 1 тенкĕ. Хальхи вăхăтра Елчĕк /18-22 тенкĕ/, Етĕрне /19-20/, Шăмăршă /18-27/, Вăрмар /19-22/, Комсомольски /18-22/, Канаш /19-27/, Элĕк /19-22/ районĕсенче чи пысăк хак. Чи пĕчĕкки вара – Улатăр тăрăхĕнче. Унта сĕте 17 тенкĕпе те пуçтараççĕ.