килĕшÿллĕн январĕн 18-мĕшĕнче канма каймалли путевкăсене сутасси старт илчĕ.
Чăваш Енре пурăнакансем кешбэк илсе каллех çĕршыв тăрăх курса çÿреме пултараççĕ. Федераци программипе килĕшÿллĕн путевкăсене сутасси апрелĕн 12-мĕшĕччен тăсăлать. Апрелĕн 30-мĕшĕччен çул çÿреве кайма мĕнпур майсем пур.
– Çак енĕпе çулталăк ĕçлесе çак пулăшу мерисем кирлине кăтартса пачĕ. Иртнĕ çул республикăн 1,5 пин хăни путевка тăкакĕн пĕр пайне каялла илме пултарчĕ. Федераци пуçарăвне хутшăннисен йышне 3 санатори тата 4 хăна çурчĕ кĕчĕ. 2022 çулта та çак программăна ытти отельсем те кĕме хатĕррине курса тăратпăр. Наци проекчĕн тĕп задачисенчен пĕри – шалти туризма аталантарасси – пурнăçа кĕрсе пырать, – палăртнă Экономика аталанăвĕн министерствин ертÿçи Дмитрий Краснов.
Федераци пуçарăвне хутшăннисен йышĕнче «Надежда», «Чувашия», «Солнечный берег» санаторисем, «Чувашия», «Россия», «Волга Премиум», «Ибис» хăна çурчĕсем. Туроператорсемпе отельерсем çĕнĕ сĕнÿсем хатĕрлеме пуçăннă.
