ЧР Министрсен Кабинечĕн ларăвĕнче патшалăхăн «Сывлăх сыхлавне аталантарасси» программине улшăнусем кĕртессине çирĕплетнĕ. Сăлтавĕ коронавируспа çыхăннă. Унпа кĕрешмешкĕн федераци бюджетĕнчен дотаци уйăрнă. Çапла вара программа тата 624,5 млн тенкĕлĕх хакланнă.
Кун йĕркинче тепĕр ыйту та пулнă – медицинăн пуçламăш сыпăкне çĕнетмелли программăна улшăнусем кĕртнĕ. Вăл та укçапах сăлтавланнă. Тÿрлетÿсем уйрăм мероприятисен хакне улăштарассине пырса тивнĕ, анчах программăн пĕтĕмĕшле хакĕ улшăнми юлнă.
