Республика кунне хатĕрленесси малалла пырать. Уяв программи пуян та анлă пулĕ. Экономика, туризм, культура… мĕн пур отрасле явăçтарĕç.
Кăçал программăна çĕршывра пуçласа иртекен мероприятисене кĕртнĕ. Ачасен фольклориадине Раççейĕн тĕрлĕ кĕтесĕнчен 1000 яхăн ача пухăнмалла. ЧР Пуçлăхĕ Олег Николаев палăртнă тăрăх, уяв Чăваш Енĕн хăйне евĕрлĕхне ыттисене кăтартмалли, эпир шанчăклă ĕçтешсем пулнине çирĕплетмелли мел пулĕ.
Аса илтеретпĕр, кăçал Республика кунĕ Шупашкарта, Куславккара иртĕ.
