Сентябрĕн 3-мĕшĕнче, иккĕмĕш тĕнче вăрçи вĕçленнине халалласа, «Çĕнтерỹ диктанчĕ» акци иртет.
Унта кирек кам та хутшăнма пултарать. Хальхи вăхăтра ăна ирттерекен лапамсене палăртаççĕ. Чăваш Енре 114 лапам йĕркелеме шухăшлаççĕ. Чи пысăк балл пуçтарнисене парнепе чыслĕç, шкул ачисен кăтартăвĕсене вузсене вĕренме кĕнĕ чухне шута илĕç. Унсăр пуçне вĕсем Мускавра иртекен Çĕнтерỹ парадне хутшăнма пултарĕç. Акци йĕркелỹçисем — «Единая Россия» партин регионсенчи уйрăмĕсем.
