Сентябрĕн 11-мĕшĕнче Чăваш Республикин Елчĕк муниципалитет округĕн Депутачĕсен пухăвĕн пĕрремĕш суйлавĕ иртет.
Çак кун 18 округран 18 депутата суйлăпăр. Паянхи кун тĕлне суйлава хутшăнма Пĕтĕм Раççейри «Единая Россия» парти — 18, «Справедливая Россия» парти — 9, «Коммунистическая партия РФ» — 13 кандидат, 2 кандидат хăйсене хăйсем тăратнă.
Районта участоксенчи 33 суйлав комиссийĕ ĕçлет. Сентябрĕн 11-мĕшĕнче хăй пропискăра тăракан вырăнта суйлава хутшăнайман (тĕрлĕ сăлтава пула Чăваш Республикинчи тĕрлĕ хулара е районта, ун тулашĕнче пулма тỹр килсен) суйлавçăсем августăн 31-мĕшĕнчен пуçласа сентябрĕн 10-мĕшĕччен вырăнти суйлав комиссийĕн участокĕсенче маларах сасăлама пултараççĕ.
Владимир НИКОЛАЕВ,
Елчĕк территори суйлав комиссийĕн председателĕ.
