Елчĕк муниципалитет округĕнчи ял хуçалăх предприятийĕсемпе хресчен (фермер) хуçалăхĕсен уй-хирĕсенче апрелĕн 17-мĕшĕ тĕлне пĕрчĕллĕ тата пăрçа йышши культурăсене пурĕ 3309 гектар (18 процент) акнă. Тĕш тырă культурисене акмалли ĕç планне «Победа» ОООра — 74, «АСК-Яльчики» ОООра — 63, «Яманчурино» ОООра — 49, «Сатурн» ЯХПКра — 42, «Авангард» ОООра — 37, «Нива» агрофирма» ОООра 35 процент пурнăçланă.
Пĕр çул ỹсекен курăксене 887 гектар (28 процент) акнă. Пĕр çул ỹсекен курăксене акмалли ĕç планне «Эмметево» ОООра 134 процент, «Энтепе» ОООра — 100, «Победа» ОООра 86 процент пурнăçланă.
Кĕрхи çĕртме сухине 23319 гектар (94 процент) сỹреленĕ, 5374 гектарне (22 процент) кăпкалатнă.
Кĕр тыррисене 4612 гектар (90 процент), нумай çул ỹсекен курăксене 4051 гектар (58 процент) минераллă удобренисемпе апатлантарнă.
Кĕр тыррисен 5222 гектар (100 процент), нумай çул ỹсекен курăксен 7002 гектар (84 процент) лаптăкĕнче нỹрĕк тытнă.
