Елчĕк муниципалитет округĕнчи вулавăшсенче паянхи кун тĕлне 29 библиотекарь ĕçлет. Вĕсем халăха кĕнекесемпе тивĕçтерессипе çеç мар, вулакансене тĕрлĕ акцисене, конкурссене явăçтарассипе те тимлеççĕ.
Алина Петрова ертсе пыракан округри тĕп вулавăшра 6 уйрăм йĕркеленĕ. Вĕсенче пĕтĕмпе 60 пин ытла, округĕпе 240 пин экземпляр кĕнеке шутланать. Вулама юратакансемшĕн кунта çĕнĕ изданисем килсех тăраççĕ. Çак кунсенче кăна библиотекăсем Чăваш кĕнеке издательствин 559 экземплярĕпе пуянланнă.
