Челябинск хулинче регбол енĕпе Раççей чемпионачĕ иртнĕ.
26-мĕш тĕл пулура кил хуçисемпе пĕрле Красноярск, Новосибирск, Ростов, Пермь, Омск тата Чăваш Ен командисем вăй виçнĕ. Баскетбол тата кĕрешỹ спорчĕсен хутăшла вăййине ятарлă çар операцийĕнче пуçĕсене хунă салтаксене асăнса йĕркеленĕ. Çивĕч кĕрешỹре пирĕннисем финалта Красноярск крайĕн спортсменĕсене выляса янă, 3-мĕш вырăнта — Новосибирецсем.
Тăван республикăн чысне яланхиллех Елчĕксем те ăнăçлă хỹтĕленĕ. Вĕсен йышĕнче — Владимир Петрушкин (Аслă Елчĕк), Сергей Скворцов (Акчел), Даниил Ефимов (Тăрăм), Алексей Сычаев (Элекçей Тимеш), Павел Галошев (Кушкă). Вĕсене тата ытти спортсменсене Владимир Ивановпа (Патреккел) Николай Баринов (Кушкă), Иван Тикушевпа Геннадий Адюков (Аслă Елчĕк), Андрей Алексеев (Тăрăм) тĕрлĕ пулăшу панине палăртмалла. Атлетсене çитĕнỹпе хăйĕн телеграм-каналĕнче округ пуçлăхĕ Леонард Левый саламланă.
Чăваш Ен команди иртнĕ çул чемпион пулнăччĕ.
