Чăваш Республикинчи Ял хуçалăх министерстви регионăн аталану программине 5 мегапроект кĕртме сĕннĕ.
«Хăмла ĕрчетесси» проект шайĕнче пушă выртакан çĕрсене пусă çаврăнăшне кĕртессипе, хуçалăхсене техника енĕпе çĕнетессипе, çĕр пулăхне, селекци тата вăрлăх енĕсене тимлĕх уйăрассипе ĕçлесшĕн. Патшалăх тата инвестици пулăшăвĕсене кура отрасльти ỹсен-тăран производствине, элита йышши вăрлăхсемпе çĕнетме палăртнă. Хăмла ĕрчетес ĕçе уйрăмах пысăк тимлĕх уйăрмалла. Плантацисене 2 пин гектар таран ỹстермелле, сăра отрасльне чĕр таварăн 50 проценчĕпе тивĕçтермелле.
«Кайăк-кĕшĕк ĕрчетесси» проект урлă селекци тата ăратлă выльăх-чĕрлĕхе аталантарассине пăхса хăварнă. Çĕнĕ фермăсемпе лабораторисем хута яни чĕр тавар производствине ỹстерĕ. Çăмарта туса кăларас тата чăх какайне туса илес калăпăша ỹстермелле.
«Хатĕр апат-çимĕç фабрики» проект тĕллевĕ — хамăр тăрăхра ỹстернĕ, туса илнĕ пахча çимĕçпе, апатпа усă курасси. Калăпăр, çак тĕслĕхе медицинăра, культурăра тата спорт учрежденийĕсенче сарасшăн. Тĕслĕхрен, экологи енчен пахалăхлă апат-çимĕçпе вырăнти шкулсене тивĕçтереççĕ.
«Пехет» агромаркет Шупашкарта «Каскад» суту-илỹ комплексĕнче вырнаçмалла. Вăл республикăра пурăнакансене тата туристсене тыткăнламалли, чăваш апатне астивсе пăхмалли лаптăк пулĕ. Çавăн пекех çĕнĕ мини-пасарсем уçмалла, экспорт калăпăшне 1,5 хут ỹстермелле, çулсерен 3 агротурист лаптăкне йĕркелемелле.
«Ялта чи лайăххисем» экотытăма аталантарас шухăшпа çамрăксем хушшинчи агрослета тата ачасен конкурсне ирттересси, пулас ăрăва ял пурнăçĕпе, çĕнĕлĕхсемпе паллаштарасси. Отрасль аталаннине кура кадрсем кирли сисĕнет. Çак тĕллевпе республикăра агролабораторисем, агроклассем, ял хуçалăх техникумĕсемпе аслă шкулсем ĕçлеççĕ. Ку ĕç малалла пырать.
