Пĕтĕм Раççейри «Доброволец России» конкурса волонтерсен юхăмне аталантарас, чи маттур ĕçлекенсене тупса палăртас тĕллевпе çулсерен йĕркелеççĕ.
Кăçал конкурса мартăн 19-мĕшĕнчен декабрĕн 5-мĕшĕччен виçĕ тапхăрпа ирттерме палăртнă. Регионти тапхăр мартăн 19-мĕшĕнчен пуçласа октябрĕн 1-мĕшĕччен иртет. Унăн тĕллевĕ – чи лайăх волонтерсене тата вĕсен чи ăнăçлă проекчĕсемпе ĕçĕсене палăртасси. Октябрĕн 10 – ноябрĕн10-мĕшĕсенче йĕркелекен тапхăра регионта çĕнтернĕ, «Добровольцы России» конкурсра регистрациленнĕ волонтерсем хутшăнаççĕ. Чи лайăххисене – виçĕ финалиста – сасăлав мелĕпе суйласа илеççĕ. Вĕсене декабрĕн 5-мĕшĕнче ятарлă премипе чыслаççĕ.
Ырă ĕç тăвакансен çулталăкĕнче асăннă конкурса пирĕн районти волонтерсем те хутшăнасса шанатпăр.
/Хамăр корр./
