Июлĕн 18-19-мĕшĕсенче «Чебомилк» агропаркра çĕршыври выльăх-чĕрлĕх ĕрчетекенсем пухăнаççĕ. Кунта ăратлă выльăх сутассипе Пĕтĕм Раççейри 2-мĕш аукцион иртет. Пухăннисем пĕр-пĕрин опычĕпе, ку отрасльти çĕнĕлĕхсемпе паллашаççĕ.
— Аукцион выльăх-чĕрлĕх отрасльне аталанма, малта пыракан опыта сарма май парĕ, — палăртнă Чăваш Республикин Пуçлăхĕ Олег Николаев.
Июлĕн 19-мĕшĕнче «Сĕт вăхăчĕ» фестиваль пулать. Вăл «Земляне» ушкăн концерчĕпе вĕçленет.
