«Илем дебючĕ» куравĕ Елчĕкри культура керменĕнче уçăлнă.
Фойене пырса кĕрсенех ỹнер тĕнчине лекетĕн: тĕрлĕ картина сана хăйсен ытамне илет. Наталия Николаевнăн «Киремет», «Древо», «Полет», «Осень», пурĕ 20 ытла ỹкерчĕк, сăрăпа пурнăçланăскерсем мар. Çăмпа хатĕрленĕскерсем, чăваш тĕррин эрешне пăхăнса калăпланисем, кавир тĕррисем.
Куравра унăн вĕренекенĕсен ĕçĕсемпе те паллашма пулать. Камилла Львова, Алена Николаева, Юлиана Петрова ку тĕлĕшпе уйрăмах маттур.
