Раштавăн 3-мĕшĕнче Раççейре Паллă мар салтака асăнмалли кун пулчĕ. Çак кун Елчĕк муниципалитет округĕнчи Депутатсен пухăвĕ çумĕнчи çамрăксен парламенчĕн членĕсем хыпарсăр çухалнă тата Тăван çĕршывшăн пуçне хунă ятсăр салтаксене асăнса Елчĕкри тĕп лапамри Тăван çĕршывăн Аслă вăрçин салтакĕсене халалласа лартнă палăк умне чечек кăшăлĕсем хунă. Салтак ячĕ паллă мар пулсан та, унăн паттăрлăхĕ пĕрлехи историн пĕр пайĕ пулса юлать. Пирĕн тивĕç — паттăрсене асра тытасси.
