Калав
— Кукамай, эсĕ сĕтел çинчи çăкăр тĕпренчĕкĕсене мĕншĕн пĕр юлми пуçтаратăн? Çăварна хыпатăн тата. Шел-им сана вĕсене кăларса пăрахма?
— Мăнукăм, эсĕ çăкăр епле пулнине пĕлейместĕн-ха, пĕчĕк, ăна çĕре пăрахни пысăк çылăх шутланать. Çăкăра туса илме çăмăл мар, эх, мĕн чухлĕ ĕçлемелле уншăн, тар тăкмалла. Шăрăх çул тыр-пула ỹстерме шутсăр кансĕр, вăл ỹссе çитĕнеймесĕрех типсе ларать, ялан çумăр çунă чух — çĕрет. Эпир ăна та, кăна та курнă ĕнтĕ, çавăнпа пĕр тĕпренчĕке те сая ямастпăр.
— Мана çăкăр чĕлли çине çу сĕрсе паратăн-и, кукамай? Çиеле ыхра тураса сап. Питĕ тутлă çавăн пек апат.
— Юрĕ, ачам.
Любовь ФЕДОРОВА.
