Округ администрацийĕн ял хуçалăх тата экологи пайĕ пĕлтернинчен:
Сентябрĕн 16-мĕшĕ тĕлне округри ял хуçалăх предприятийĕсемпе хресчен (фермер) хуçалăхĕсенче пĕрчĕллĕ тата пăрçа йышши культурăсене 17234,78 гектар (76,2 процент) çинчен пухса кĕртнĕ. Пĕр гектартан тухакан вăтам тухăç — 37,9 центнер. Кĕрхи культурăсене пĕтĕмпе 1516 гектар (31 процент) анчах акайнă. Ку ĕçе «Сатурн», «Труд», «Нива» хуçалăхсем 100 процентран ирттернĕ. Çĕр улми кăларассине 35 процент пурнăçланă.
