«Сывлăх — чи кирлĕ пурлăх», — теççĕ халăхра. Çирĕклĕ Шăхалĕнчи ватă тата сусăр çынсене стационар пулăшăвĕ паракан уйрăмра ку шухăш девиз пекех пулса тăнă.
Уйрăм заведующийĕ, Чăваш Республикин социаллă пулăшăвăн тава тивĕçлĕ ĕçченĕ Антонина Осипова ертсе пынипе кунта канлĕх тупнисен канăвне туллин йĕркелеме тăрăшаççĕ. Сывлăх ыйтăвĕпе калаçусем, шашка турнирне ирттересси йăлара. Чаплă беседка пуртан уçă сывлăшра хусканусем тума е калаçса ларма та меллĕ.
